Today: August 9, 2022 1:30 pm
Today: August 9, 2022 1:30 pm

ICBF Life Insurance - QTS enrolls low income workers

image0
image2

கத்தர் தமிழர் சங்கத்தின் அடிப்படை நோக்கத்தில் ஒன்று கத்தர் வாழ் தமிழர்களுக்கான சமூக சேவை. 

அதில் ஒரு முக்கிய சேவை, கத்தர் தமிழர் சங்கத்தின் உறுப்பினர்கள், தமிழக தொழிலாளர்கள் மற்றும் மீனவர்களுக்கான இலவச ICBF ஆயுட்காப்பீடு திட்டம்.

கத்தரில் பல்லாயிரக்கணக்கான தமிழ் தொழிலாளர்கள் / மீனவர்கள் குறைந்த சம்பளத்தில் வேலை செய்து தங்கள் குடும்பத்தினருக்கு வாழ்வாதாரத்திற்கான தேவையை நிறைவேற்றி வருகிறார்கள். இவர்கள் தான் அவர்கள் குடும்பத்தின் அச்சாணி என்பதை கத்தர் தமிழர் சங்கம் முழுவதுமாக உணர்ந்து அவர்களுக்காக ICBF (Indian Community Benevolent forum, இந்திய தூதரகத்தின் கீழ் இயங்கி வரும் அமைப்பு)-ன் தொழிலாளர்களுக்கான ஆயுட்காப்பீடை இலவசமாக வழங்க முடிவு செய்தது தாங்கள் அறிந்ததே.

அதில் முதற்கட்டமாக தகுதியுள்ள 108 தொழிலாளர்களை தேர்வு செய்து அவர்களுக்கு ICBF ஆயுட் காப்பீடுக்கான விண்ணப்பங்களை இந்திய தூதரக அதிகாரி திருமிகு S.R.H. Fahmi, First Secretary (Labour & Community Welfare) மற்றும் ICBF தலைவர் திரு. Ziad Usman மற்றும் ICBF மேலாண்மைக்குழு உறுப்பினர்களிடம் 31/03/2021, புதன்கிழமையன்று கத்தர் தமிழர் சங்கத்தின் தலைவர் திரு.மணிபாரதி மற்றும் நமது மேலாண்மைக்குழு உறுப்பினர்கள் அளித்தனர் என்பதை உவகையுடன் தெரிவித்துக்கொள்கிறோம்.

இதுப்போல் பல சமூக நலத்திட்டங்களை உங்கள் ஒத்துழைப்போடு கத்தர் வாழ் தமிழ் மக்களுக்கு தொடர்ந்து கத்தர் தமிழர் சங்கம் செய்யும் என்பதை உறுதியோடும் மகிழ்ச்சியோடும் தெரிவித்துக்கொள்கிறோம்.

இத்திட்டத்தின் மூலம் நீங்கள் சில தொழிலாளர்கள் அல்லது மீனவர்களுக்கு உதவ முன்வந்தால் (giving the life insurance scheme to the deserved low income employee or fishermen on behalf of you) கத்தர் தமிழர் சங்கம் அதை தலை வணங்கி வரவேற்கிறது. உங்கள் விருப்பத்தை [email protected] என்ற மின்னஞ்சல் மூலமாகவோ அல்லது திரு. இராமசெல்வம் (Mobile number: 33750357) Benevolent and Insurance Secretary அல்லது திரு. பாலசுப்ரமணி (Mobile number: 55989578) துணைக்குழு உறுப்பினர் அல்லது திரு. அரசு (Mobile number: 55230395) Public Relationship Secretary அவர்களின் தொலைபேசி எண்ணிற்கு அழைத்துத் தெரிவிக்கலாம்.